-حـوار مـش فـى الـزمـن ده

بسم الله الرحمن الرحيم
موضوعنا انهردا بمناسبة دخول سنة 2010
------
لو فكرنا فى دلوقتى هنلاقى حجات كتير مش عجبانه وبنقول زمان كان افضل
طيب لو فكرنا فى ظروف بكره هنقول ايه
" هنقول على زمنا ده كان افضل "
يبقا طول عمرنا هنقول زمان وبس

ده عباره عن حوار بيتم سنة ( 2050) بين

بنت في سن المراهقة (15 سنه) تجلس مع جدتها (70 سنة) ويدور بينهما هذا الحوار:
------------

الحفيده: تيته ميرو إزيك..بقى لي زمان ما قعدتش معاكي

الجده: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة

تسلينى

الحفيده: ومابتفتحيش الدش ليه يا تيته

الجده: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

الحفيده: وإيه الحلاوة دي؟ حلو البادي اللي انتي لابساه ده..بس ده موضة قديمة قوي

ياتيته !

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد

القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام

زمان لما كنا نلبس البادي اللي مبين البطن والظهر بس، مع البنطلون السترتش

الجلـد…كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا

.. فين أيام سنة 2010، هي الواحدة فينا كانت تستجري تشرب سجاره اودام باباها كده

؟ طب ده الدنيا كانت تتقلب ساعتها وما تتعدلش .. أمال إيه .

فيه حاجة اسمها أخلاق

الحفيدة: معقول يا تيته؟ للدرجة الفظيعة دي!!؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع

اليومين دول..يعني الجيبة كان ما يقلش طولها عن شبر وربع .. وكانوا الستات

يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل

لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"،

وكانت الأغنية مدتها أكثر من دقيقتين متواصلين من الطرب الأصيل والموسيقى

الهادية الراسية اللي تعمر النافوخ بصحيح كانوا مطربين روشين وآخر طحن، حسبي

>الله ونعم الوكيل!

الحفيدة : ليه ياتيته..انتى عاوزانى اسمع اغنيه لمده دقتين ..دا انته كنته فاضيين وعايشين فى ملل بقا..واا قال اسمع حد اسمه عمرو ومين مين اه مصطفى..ايه ياتيته النااس البلدى دول

الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها

طعم عن دلوقتي،و يا سلام لما كنا نحط ال mp4 ونعلقها في حزام البنطلون

كده ونمشي في الشارع كده، كانت أيام جميلة. حسبي الله ونعم الوكيل!

الحفيده : حكاويكى ممتعة قوي يا تيته .. ثانية واحدة بس لما أصحي سمسم صاحبي فى

المدرسة لأنه بايت معايا في الأودة من امبارح ..أصل الإنسان الآلي بتاع

الصحيان بايظ ولازم نصلحه النهاردة

الجدة: طيب ياحبيبتي روحي ,,وقالت فى صوت منخفض" ياانصيبه سودا زمان اهله قلبين عليه الدنيا"

(بعد عدة دقائق)

الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ

فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي

دلوقتي، وكانت الشوارع أيامها فاضية يعني كانت إشارة المرور تقعد ساعة إلا

ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

الحفيدة : 70 مليون بس؟!!

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما

يضربه الدم كان يبقى بـ32 جنيه أو بـ40 وكان أتخن جوز جزمة

بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بسبعه جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من

العُقد دي

الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة

اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي

على أيامنا كان لا يمكن البنت تتأخر بره البيت عن الساعة أربعة صباحاً، طب ده

باباها كان ممكن ساعتها يخاصمها !

الحفيدة : ياي! ده انتوا كنتوا متزمتين خالص ياتيته !!!

الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان

أهل الفن محتشمين جداً وكانوا دايماً يطلعوا بالمايوهات البيكيني، والمذيعات

كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم

دي أيام.. فكرتيني بالذي مضى حسبي الله ونعم الوكيل!

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : هكلم اصحابى بتوع زمان(هدهد والبوب واوائل وموزه و رومنسى ) اصلك رجعتينى لى احلى ايام حيااتى اياام مكنا بنتكلم على النت ونخش موقع حــبـــه رخـــامـــه

الحفيده: ههههه حبه رخامه وهو انتى من ايام حبه رخامه ياتيته هههههه
ما انتى كنتى بتصحبى اهو ياتيه وعايشه حياتك هههههه

الجده : يابت نصاحب ايه دا انا والله معرفش شكلهم ايه لحد دلوقتى ...مش زيكم
تتعرفو على بعض ونص ساعه من التعارف تكونه متجوزين
........................

الحفيدة: (تنهض من مكانها) تشاو سي يو تيته!

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة

و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا" جبت "ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً

عملتها ونفعت

الجدة : مشكلتي إني ما باعرفش أزعل منك يا مضروبه ..وسميتوا المحروس إيه بقى

الحفيدة : سميناه (دوت كوم) ..

الجدة : نعم ............ دوت كوم؟ نظام هاي تك بقى؟ يعني لما تعوزي تنادي له تدوسي

(Enter) ولا إيه بالضبط ؟

الحفيده : ها ها ها ها .. إيه الخفة دي يا تيته .. والله فكرة .. لما أعوز أنده له

أدوس إنتر .. ولما أحب أقول له روح أودتك أدوس (ألت و إف4)

الجدة: وأخدتوه من الحضانة وديتوه فين بقى؟

الحفيدة : وديناه النادي والديسكو بتاع الحي

الجدة : النادي والديسكو كمان بتاع الحي؟

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة

الزراعة وده بيعلم الأطفال حاجات ظريفة خالص ومصاريفه رخيصة جداً وبعدين

الولد الكويس ممكن يبعتوه يكمل تعليمه في انجلترا على نفقة وزارة الزراعة أصل

(ميدو يوسف والي) وزير الزراعة ده راجل متفتح قوي. هه، أفتح لك التليفزيون

يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر

صوت مذيعة مصحوبا بلقطات للأنباء تقول:

المذيعة : هاي شلة! إليكم النشره الأخباريه :

أمريكا ترصد 25 مليار دولار لرأس تامر بن محمد بن اسامة بن لادن
وليكم النشره الرياضيه مع الموذيع سيكا
: تصوره ياشباب فريق النادى الزميكى كسب نادى الاهلكى ب3اهداف
تيت موت
وليكم حالة الطقس مع الموذيعه سونتن:
هااى عليكم احلا شعب: انهردا الجوه فى حبه من الرتوبه شويا
بس علماء الطقس بيقوله ان بكره الجوه هيبقا فظيع موووت
وبكده تكون خلصت نشرتنا ياله ااشوفكم بكره ..اامووووه
****************
معلش طولت عليكم
( وكل سنه وكل الرخمين واللى مش رخمين طيبن )
وياارب الايام اللى جايه تكون احسن من اللى فاتت لينا ولغيرنا
ويارب طبعآ ميحصلش اللى قولناه ده
قوله " ااميــن "