*ازاى تبقى رخم فى البيت

بسم الله الرحمن الرحيم

ازاى نرخم على اهل البيت
طبعآ اتكلمنا كتير على ازاى ترخم على اخواتك
واللى نــايم

بس انهردا هنتكلم ازاى ترخم على كل اللى فى البيت.
طبعآ هتبقا على عدة مواقف منها..

اول متشوف حد دخل الحمام تروح تخبط وتقولة بسرعة لو سمحت مزنوق
هو انت اية مقدامك الحمام فاضى من الصبح
لو سمحت خلص بسرعة عشان مش قادر استحمل
ويمين شمال كلام متبطلش كلام لحد ميطلع ويفضل ييشتم فيك
وهتدخل طبعآ انتا الحمام
ويا ريت لو تاخد كوباية شاى معاك
عشان تاخد جوه وقتك دا بيت الراحه يااجدع..

وطبعا العكس تمام لو انت فى الحمام وفى حد برا عاوز يدخل ومستعجل
وبكده تكون جتلك فرصه للرخامه عظيمه

طبعآ هينده عليك وهيستعجل زى ما عملت فيه..
وانتا بقا بكل برود هترود..مين..مين..مين
هيقولك انا ياا---شتيمه--- هتقوله عاوز ايه
عايز اخش الحمام يا--شتميه-- هتسئله طبعآ ..عاوز تخش الحمام ليه؟
هيقولك مش محتاجة سؤال خلص عشان مزنوق

قولة مزنوق فى كام ..متتكسفش انا معايا فلوس..
من الاخر سوق الهبل وسوق العبط بس متزودش السرعة عشان مش هيبقا حلو على الشقه
ههههههههههههههههههههههههههههههههه


طبعآ.البيت وقعدات البيت الحلوه قدام التلفزيون والمسلسلات

قعده زى كده حاول تخلى معاك الريموت..
اللى عاوز فلم تقلبله على مسلسل والعكس..لحد ماحد يخبطك بحاجه..وطبعآ هتضرب ويتاخد منك الريموت
اوعا تستسلم..هتجيب اى كتاب او كرنيه صغير وتحطه قدام العدسه عشان ميعرفش يغير
وهيحصل طبعآ انفعال شديد واحتمال تضرب تانى..وهتمشى وتسيبلهم الغرفه بس
وانت ماشى لازم تتكعبل ف سلك التليفزيون وغصب عنك طبعا


لو انت هتتكرم وتتواضع وتعصر على نفسك ليمونة
وتــذاكــــر


عايزك تحسس اهل البيت كلهم انهم شغالين عندك بمجرد انك بتذاكر
واللى يكلمك قولة والله ما هذاكر بس حاول متعملهاش مع اخواتك عشان مش هتفرق معاهم
ركز على الا م والاب فى الحتة دى شوية
واى صوت يطلع فى البيت لازم تزعق
وازاى وازاى
حد يعمل صوت وسيادتك بتذاكر بغض النظر طبعا عن ان كنت انت بتذاكر ولا بتشتغل نفسك
بس مينفعش اى حد يعمل اى حركة قد ينتج عنها صوت
وطبعا محدش يقعد على الكمبيوتر وانت بتذاكر كدا هندخل ف التفرقة العنصرية
تروح تجيب والدك زى الشاطورة وتقولة مش عارف اذاكر من الصوت
طبعا هتاخدة الحماسة وهيشد الفيشة وش وبكدة تبقا رخمت على والدك او والدتك وجبتهم لحد عندك عشان يطفوا البتاع دا وكمان على اللى قاعدعلى الكمبيوتر
انت هتذاكر لوحدك لازم كل البيت يذاكر او على لاقل يشارك وجدانيا وانت بتذاكر

وكل شوية تقولهم جعان طبعا الاكل هييجى لحد عندك مية لو سمحت وانا عايز شاى
واطلب واتمنى
ولو طلبت لبن العصفور احتمال يجيلك دا انتا بتذاكر معجزه طبعآ
ههههههههههههههههههه
والاضاءة مش عاجبانى واللمبة دى بتتعبلى عينى
جرى اخوك اللى هيولع فى نفسة منك او هيولع فيك ويخلص
هينزل غصب عنة يجيبلك لمبة على مزاج سيادتك
ويركبوهالك

وطبعا هتحتاج سنون وبعدين استيكة ويا سلام لو براية مع انك بتكتب بالم سنون عادى بردة لازم البراية عشان راحتك النفسية
ومتطلبش طلباتك مرة واحدة اطلبها واحدة واحدة عشان اللى هينزل يشترى ينزل اكتر من مرة واللى هيعمل حاجة ف البيت يروح وييجى ومقولتش لية بالمرة قولة نسيت..انا دماغى مليانة معلومات انا بذاكر هفتكر اية ولا اية
وطبعا بعد متوفر جو هادىء بالمره للمذاكرة
وتكون خلصت كل الحيل الممكنة فى انك ترخم عليهم لاأنك هتذاكر
يعنى اللى مشغل كاسيت قفلة واللى قاعد على الكومبيوتر قام واللى مشغل تليفزيون طفاه
واللى بيعمل اى حاجة سابها

وبعد كل الوقت ده فى المذاكره..طبعآ يااعينى تعبت ومحتاج بريك صغير
طبعآ البريك مش للراحه..دا عشان تشوف شغلك فيه
تبص تلاقى اخوك مندمج على النت والكمبيوتر ..ما شغل الكمبيوتر عشان انتا فى الراحه
ايه هتسيبه.....؟ لا طبــعآ
هتاخد نفس كبير..وتجرى عليه بسرعه..الله الله اوعــا اوعــا اوعــا بسرعه
يعينى الواد اتخض.هيقولك.( فى ايه يااعم انتا )

قولة مصيبة قوم قوم قوم بسرعة
وكدة تكون فصلتة اقعد بقا على الكرسى وستمخ..هيسئلك بعد الاستغراب الشديد
انتا قومتنى وقاعد بتعمل ايه انا شايفك ساكت؟
هتقوله لامافيش بس كان نفسى اقعد على الكرسى ده وطمطع بقا
وحاول متعملش الحركه دى وهو ماسك حاجه فى ايده
انا مش مسئول

يا سلام لو حد طلب منك كوباية شاى عشان دماغة مصدعه
او اخوك الكبير جايلة ضيوف او اى حد عايز شاى

ولسوء حظ اللى طلب ان انتا اللى هتقوم بالعمل الشــاى
انت طبعا هتبتسم ابتسامة صفرا ايوة ايوة هيا دى الضحكة الرخمة دى كأنك بتقولة انا هوريك
وتقوم زى الشاطر تعلق على المية عادى جدآ
وتعمل شاى عادى جدآ وممكن تعمل نسكافية كاكاو اى حاجة انتا حد كريم طبعآ
بس بقا المشكلة انك مش بتعرف تميز بين السكر والملح...معلش ولا يهمك هو انت هتقطع نفسك يعنى
حط بقا تلات معالق ملح هههههههه لكل واحد ولا اقولك بلاش الكرم دا كفاية اتنين اوى
وقلب وعادى جدا وبكل براءة قدم الشاى وممكن تستاذن بكل ادب وتسيب البيت وتنزل قبل محد يلمس كوبايتة
اهااااااااا عشان تلحق اصحابك بقا
وممكن بقا يكون الضيوف اصحابك انت مش هينفع تسيبهم وتمشى
فانت اعمل شاى بالملح كمقلب اول مرة وحضر صينية تانية عليها طقم تانى بالسكر بقا
واللى يشرب وييجى يشتمك اغمزلة عشان يسكت لحد مالكل يشرب وبعدين كلهم هيطحنوك مش مشكلة هاتلهم بقا الشاى
معندكش كوبايات
مشكلة فعلا الموضوع دا
ولما انت معندكش كوبايات بتعزم الناس لية
روح بقا اغسل المواعين زى اشاطر هو انت لازم تحط ملح وترخم


طبعا جه وقت النــــــوم

تدخل بكل برود على باباك وتقولة تصبح على خير يا دادى ولازم دادى دى
وكذلك مامى تصبحى على خير يا مامى
وبوس اخوك وقولة ميرسى كتير..انتا طبعآ حد محترم

يااااه يـــوم جـــمـيل...... ...ياله تصبحه على خير